В православной традиции Богоматерь называют Живоносный Источник прославляют её как Источник жизни, ибо от Нее родился Христос — Путь, Истина и Жизнь. В честь обновления (то есть перестройки и украшения) храма «Живоприемный источник» в Православной церкви в пятницу Светлой седмицы совершается праздник.
В русской традиции икона «Живоносный Источник» имеет также названия «Живоносной Источницы», «Живоприемного Источника» или просто «Источной». Все наименования отражают главную суть образа.
Предание
В V веке близ Константинополя находилась роща, посвящённая, по преданию, Пресвятой Богородице. В этой роще был источник, с давних пор прославленный чудесами, но постепенно заросший кустарником и тиной. 4 апреля 450 года воин Лев, будущий император Византии, встретил в роще близ Константинополя, недалеко от «Золотых ворот», слепца. В роще находился источник, известный своими чудесами.
Слепец устал и сбился с дороги. Лев пожалел его, отвёл под сень деревьев, усадил отдохнуть, а сам тем временем отправился к источнику, чтобы набрать воды и напоить слепца. Вдруг он услышал голос: «Лев! Не ищи воды далеко, она здесь близко». Воин удивился и стал искать воду, но не смог найти. Когда он прекратил поиски, раздался тот же голос: «Царь Лев! Пойди под сень этой рощи, почерпни воды, которую там найдешь, и напой ею жаждущего. Тину же, которую найдешь в источнике, положи на его глаза. Потом ты узнаешь, кто Я, освящающая это место. Я помогу тебе вскоре воздвигнуть здесь во имя Мое храм, и все, приходящие сюда с верою и призывающие Мое имя, получат исполнение своих молитв и полное исцеление от недугов».
После того, как Лев исполнил веленный ему голосом приказ, слепец прозрел и самостоятельно отправился в Константинополь, славя Богоматерь.
Когда в 457 году Лев I стал императором, он не забыл о явлении и предсказании Божией Матери, приказав очистить источник и построить над ним храм в честь Богородицы, назвав его храмом Богородицы Живоносный Источник.
Храм неоднократно перестраивался и украшался (то есть обновлялся), это было при императоре Юстиниане Великом, а также при императорах Василии Македонянине и при его сыне Льве Мудром.
В Синаксаре Никифор Каллист Ксанфопул сообщает о многих случаев исцелений и чудес, полученных от воды из источника: воскрешение мертвого из Фессалии, исцеление Льва Мудрого от каменозаятия (мочекаменная болезнь), у жены Льва Мудрого Феофано вода угасила зельнейшую огневицу (сильнейшую горячку), брата Льва Стефана разрешила от птисныя немощи (предрасположенности к чахотке), патриарху Иерусалимскому Иоанну исправила поврежденный слух.
После падения Константинополя 29 мая 1453 года храм был разрушен и восстановлен вновь в 1833 году Патриархом Константием I и освящён в 1835 (ныне здесь женский монастырь).
Празднование
Переходящая.
Несмотря на известную дату явления Богоматери Льву Маркеллу, празднование обновления Константинопольской церкви Живоносного источника и воспоминание великих чудес, произошедших в храме, совершается не 4 апреля, а в пятницу Светлой Седмицы, в этот же день совершается и празднование одноименной иконе.
Служба обновления храма Живоприемного Источника написана Никифором Каллистом Ксанфопулом в XIV веке. На церковнославянский язык эта служба была переведена и добавлена в Цветную Триодь во второй половине XVII века Евфимием Чудовским. До XVII века этой службы в Русской церкви не было.
В церковной традиции пятница Светлой седмицы выделяется особым образом. В этот день, впервые после Великой агиасмы, на Богоявление совершается освящение воды во всех храмах.
История развития образа
Первоначальным прообразом иконы Божией Матери «Живоносный Источник» является древняя греческая Богоматерь, написанная по типу Никопеи Кириотиссы, восходящей, в свою очередь к ещё более древнему изображению Божией Матери, связанному с известным в древнем христианстве Влахернским храмом и почитанием влахернского образа Богородицы в виде мраморной статуи, находящейся недалеко от императорской купальни. Из рук статуи текла святая вода — агиасма.
Первое время списки с иконы «Живоносный источник» писались без изображения непосредственно самого вышеуказанного источника. Чуть позже в композицию образа Богоматери иконописцы начали включать изображение чаши, а в ещё более поздних списках иконы появляется и изображение фонтана либо водоёма. В русской традиции иконописцы изображали кладезь, как символ источника.
Одним из самых ранних изображений Богоматери Живоносный источник является Богоматерь типа Оранты, найденная в Крыму и относящаяся историками к концу XIII — началу XIV веков. Образ размещён на глиняном блюде с воздетыми в молитве руками.
Более позднее изображение иконы, примерно середины XIV века, описывает церковный историк Никифор Каллист, повествующий об изображении Богоматери в середине чаши, похожей на купель или баптистерий и установленной над источником. В чаше изображена Богоматерь с Младенцем на лоне или груди (тип Кириотисса).
Образ Живоносного Источника, написанный фреской письма мастера Андроника Византийца, находится в приделе церкви монастыря святого Павла на Афоне. Богоматерь с благословляющим Младенцем изображены в широкой чаше, по сторонам фрески надпись на греческом «Живоносный Источник». Фреска относится историками к первой половине XV века.
В XVI веке на Руси, под влиянием греков, появляется обычай также освящать монастырские источники и посвящать их Божией Матери. Соответственно для часовен и купален, установленных над ними также писались иконы Богоматери «Живоносный Источник».
Икона «Живоносный Источник» (Симон Ушаков, 1670 год).
XVII век является периодом наибольшего распространения иконы подобного типа. В русской традиции иконописи икона подверглась дальнейшему усложнению композиции, что косвенно может свидетельствовать о снижении её первоначальной символической наполненности, восходящей к первоначальным, греческим образам, основанным на статуе Влахернской Богоматери с истекающей с рук святой водой. На инонах начинают появляться изображения кладезей с бьющей из них водой, по сторонам от Богоматери могут изображаться святители Василий Великий, Григорий Богослов и Иоанн Златоуст. На переднем плане иногда изображаются одержимые недугами.
Наиболее известным чудотворным списком с образа «Живоносный Источник» является икона из Саровской пустыни, принесенная в Саровскую обитель основателем церкви Живоносного источника иеромонахом Иоанном в начале XVIII в. Данный образ глубоко почитал сам преподобный Серафим Саровский.
В середине XIX в. еще один чтимый список «Живоносного Источника» был принесён из Константинополя в Саровскую обитель иеросхимонахом Иоанникием. Эта икона изображала само событие Явления Богоматери на Живоносном источнике.
В России существовал храм в честь иконы «Живоносный Источник». Он был воздвигнут в 1873 году в Серафимо-Понетаевском Скорбященском монастыре.
В настоящее время в России и Украине существуют храмы, посвящённые иконе, в Харькове и Царицыне (Москва).
Храм иконы Божией Матери "Живоносный Источник" в Царицыно.
Ныне существующий каменный храм в Царицыно был построен в 1722 г. владельцем усадьбы князем Дм. Кантемиром. В 1940 г. храм был закрыт, использовался как производственый цех. Вновь освящен в 1990 г.
Икона Пресвятой Богородицы «Живоносный Источник».
Пред иконой Пресвятой Богородицы «Живоносный Источник» молятся о сохранении праведной жизни, об исцелении телесных и душевных недугов, страстей, о помощи в скорби.
Тропарь Божией Матери пред иконой Ее 'Живоносный Источник'
глас 4
Почерпем, человецы,/ цельбы душам и телом молитвою,/ река бо всем предтечет,/ Пречистая Царица Богородица,/ источающи нам чудную воду/ и измывающи сердец черности,/ греховныя струпы очищающи,/ души же освящающи верных// Божественною благодатию.
Кондак Божией Матери пред иконой Ее 'Живоносный Источник'
глас 8
От неистощимыя/ Ты, Источниче богоблагодатный, подаеши ми, точащи, воды/ Твоея благодати,/ приснотекущий паче слова,/ яко бо Слово рождшая паче смысла,/ молютися, ороси мя благодатию, да зову Ти:// радуйся, Водо спасительная.
Молитва Пресвятой Богородице в честь иконы Ее «Живоносный Источник»
О Пресвятая Дево, Мати Господа нашего Иисуса Христа! Ты еси Мати и покровительница всех к Тебе прибегающих, призри с благосердием на молитвы грешных и смиренных чад Твоих. Ты, именуемая Живоносный Источник благодатных врачеваний, исцели болезни страждущих и умоли Сына Твоего, Господа нашего Иисуса Христа, да низпослет и всем притекающим к Тебе здравие душевное и телесное и, простив нам вольная и невольная согрешения наша, дарует нам вся яже к вечней и временней жизни потребная. Ты еси всех скорбящих радость, услыши нас, скорбных; Ты еси утоление печали, утоли и нашу печаль; Ты еси взыскание погибших, не попусти и нам погибнути в бездне грехов наших, но всегда избавляй нас от всяких скорбей и напастей и всякаго злаго обстояния. Ей, Царице наша преблагая, надеждо наша несокрушимая и заступнице необоримая, не отврати лица Твоего от нас за множество прегрешений наших, но простри нам руце Матерняго милосердия Твоего и сотвори с нами знамение милости Твоея во благо: яви нам помощь Твою и благопоспеши во всяком деле благом. От всякаго же начинания греховнаго и помышления лукаваго отврати нас, да всегда славим пречестное имя Твое, величающе Бога Отца и Сына Единороднаго Господа Иисуса Христа и Животворящаго Святаго Духа со всеми святыми во веки веков. Аминь.
АКАФИСТ ПРЕСВЯТОЙ БОГОРОДИЦЕ В ЧЕСТЬ ИКОНЫ ЕЕ «ЖИВОНОСНЫЙ ИСТОЧНИК»
Как правильно читать акафист? Чтение акафиста происходит следующим образом: вначале последовательно читаются кондак 1, икос 1, кондак 2, икос 2… до икоса 12. Каждый кондак и икос завершаются стихом «Радуйся…» или «Аллилуиа». После прочтения этого завершающего стиха его можно, при наличии навыка, пропеть. После икоса 12 трижды читается кондак 13, каждый раз завершаемый прочтением (а при возможности – и пением) «Аллилуиа» (трижды). Затем вновь читаются икос 1 и кондак 1 (то есть в обратном порядке). При чтении акафиста в храме или несколькими верующими можно кондак 1 не читать, а петь оба раза вместо прочтения. После этого читается молитва, помещаемая в конце акафиста.
Кондак 1
Избранной от всех родов Божией Матери и Царице, милостиво внемлющей молитвам болящих, и от водных источников токи целебныя изливающей страждущим, благодарственное приносим пение. Ты же, всемилостивая Целительнице, приклонися благоутробно гласом нашим хвалебным и от всяких недугов душевных и телесных свободи нас, зовущих:
Радуйся, Живоносный Источниче, вся наша болезни исцеляющая.
Икос 1
Ангели святии благоговейно Тебе служат и вси небожителие немолчными гласы Тя ублажают, Богородице Дево, яко Родительницу Царя Христа Бога. Мы же грешнии, подражати им дерзающе, молимся Ти: сподоби нас непрестанно Тебе возносити благодарения за премногую милость Твою ко всему роду христианскому. Аще и недоумевает всяк язык восхвалити Тя по достоянию, но, ведуще благость Твою, и мы, недостойнии служителие Твои, дерзновенно отверзем уста наша, и наполнятся духа, и достойное отрыгнем похвальное слово, Царице Божией Матери зовуще таковая:
Радуйся, благословенная в женах Дево благодатная; радуйся, Всевышняго Бога Мати, Духа Святаго пребывание.
Радуйся, дара Божия благодати источниче преизобильный; радуйся, чудес реко присносущная.
Радуйся, источниче радости непрестанныя; радуйся, источниче милости неизсякаемыя.
Радуйся, молитвы всех христиан приемлющая; радуйся, и самых отчаянных грешников моления не отвергающая.
Радуйся, обидимых заступнице; радуйся, печальных утешительнице.
Радуйся, бедствующих помощнице; радуйся, заблуждающих наставнице.
Радуйся, Живоносный Источниче, вся наша болезни исцеляющая.
Кондак 2
Видящи, премилосердая Мати Божия, земное скорбное житие наше, немощи и болезни, благоизволила еси проявляти милости Твоя к нам, исцеляющи души и телеса страждущих; обаче и мы с радостию несказанною припадаем к Тебе, Владычице, и из глубины души благодарим Тя, нашу дивную целительницу, воспевающе Богу: Аллилуиа.
Икос 2
Разум человеческий воистину превзошла есть любовь Твоя ко всем недужным, егда милостиво призрела еси на страждущаго слепца, томившагося в лесной чащи и повелела еси царю Льву почерпнути воды от живоноснаго источника Твоего и утолити жажду слепаго, да вси, ведуще Твое сострадание к страждущим, песненно Тебе вопиют:
Радуйся, скорбь нашу в радость претворяющая; радуйся, оставленных врачми на Свои всемощнеи руце приемлющая.
Радуйся, милосердая всех нас о Христе Мати; радуйся, презренных и отверженных от погибели избавляющая.
Радуйся, сердца злых человек умягчающая; радуйся, от клеветы и досаждения и иных бед спасающая.
Радуйся, Живоносный Источниче, вся наша болезни исцеляющая.
Кондак 3
Сила благодати Божией осеняет всех, с верою и благоговением прибегающих к Твоему, Пречистая Госпоже Богородице, предстательству; темже и мы к Тебе, Всемилостивейшая Покровительнице наша, приходим и умильно зовем: научи нас прославляти всечестное и всехвальное имя Твое и достойно воспевати Богу: Аллилуиа.
Икос 3
Имущи к роду христианскому Матернее милосердие, всем с верою и упованием прибегающим к Тебе подаеши руку помощи, Владычице: болящим исцеление, страждущим ослабу, слепым прозрение, разслабленным укрепление, скорбящим утешение, и всем коегождо потребу подаеши. О Божия Мати, со умилением к Тебе припадаем и богатыя Твоея милости ожидающе, усердно тако вопием:
Радуйся, радосте наша, Еюже слезы от очей отъемлются наших; радуйся, нечаянную радость верным дарующая.
Радуйся, яко Тобою наша благая желания исполняются; радуйся, яко много может молитва Твоя пред Сыном Твоим и Богом.
Радуйся, благословение домов и семейств благочестивых; радуйся, отрадо наша и дивное о нас попечение.
Радуйся, Живоносный Источниче, вся наша болезни исцеляющая.
Кондак 4
Бурею многих бед одержимым нам помогаеши, Владычице, ибо всегда пред Господним престолом стоиши и, воздвигши руце Свои, молишися, яко да нашу недостойную молитву приимет Господь, Царь славы, и исполнит прошения призывающих имя Твое святое, зовущих Сыну Твоему: Аллилуиа.
Икос 4
Слыша царь Лев глас Твой божественный, Пресвятая Владычице, повелевающий помазати очи слепому водою источника и сотвори, якоже глас Твой повеле, и абие прозрев слепец, позна Тя сострадательницу быти всем немощствующим, с верою просящим у Тебе помощи и в болезнех исцеление, и созда тамо у Твоего источника храм имени святому Твоему, да вси, получивше Твою милость, непрестанно благодарственно славят Тя, Богородице, тако:
Радуйся, благодатный Источниче, источаяй нам неоскудныя милости; радуйся, избавляющая нас от бед.
Радуйся, ненадежных надеждо; радуйся, скорбящих отрадо.
Радуйся, Мати Бога Вышняго; радуйся, яко за всех Ты молиши Сына Твоего, Христа Бога нашего.
Радуйся, всех скорбящих и болезнующих утешительнице; радуйся, всех немощей телесных и душевных исцелительнице.
Радуйся, Живоносный Источниче, вся наша болезни исцеляющая.
Кондак 5
Благодатная врачевания Ты изобильно подаеши всем немощствующим, сего ради Тебе, божественной целительнице, на освященных Тобою водных источницех храми созидаются, Пресвятая Дево, да вси вернии довольно наслаждаются знаменьми Твоея милости, еяже не лиши и нас, смиренных чад Твоих, по долгу воспевающих и вопиющих чудес творцу Богу: Аллилуиа.
Икос 5
Видим Животворный источник, Владычице, яко воистину вторую Силоамскую купель, в нейже вся болезни наша исцеляются и не токмо единою в лето и первым входящим здравие тела подаеши, но всегда всякий недуг и всяку язву душевную и телесную врачуеши с верою и любовию к Тебе прибегающих, сего ради вопием Ти:
Радуйся, неусыпная наша Предстательнице пред Богом; радуйся, яко свеща неугасимая, в молитвах за нас у престола Господня присно горящая.
Радуйся, Мати милосердия и щедрот; радуйся, во время безпомощия нашего, егда бедствуем и не имамы помогающего, на помощь нам ускоряющая.
Радуйся, в день отчаяния нашего от обдержащих нас недугов и скорбей матерински утешающая; радуйся, от растлевающих душу и тело соблазнов сохраняющая.
Радуйся, от внезапныя смерти избавляющая; радуйся, при кончине нашей причастия Святых Таин сподобляющая.
Радуйся, Живоносный Источниче, вся наша болезни исцеляющая.
Кондак 6
Проповедует Церковь Христова чудеса Твоя, Богородице, яко песка морскаго и звезд небесных множае суть; от востока бо и до запада хвально имя Твое чудесы, и несть града или страны, идеже не совершися Тобою действо силы Божия во избавление и спасение, просвещение и исцеление людей христианских. Наипаче же обыкла еси чудотворити чрез водное естество; священным призыванием Твоего Святаго имене обильно изливаеши струю милости на всех страждущих; даруй убо всем с верою причащающимся или кропящимся святою водою совершенное исцеление, да славословим Тя и Сыну Твоему Христу Спасителю зовем: Аллилуиа
Икос 6
Возсияла еси в животворном источнице Твоем, Пресвятая Владычице, токи благодатных исцелений всем страждущим от различных недугов, и в нашей стране светиши светом чудес и милостей; притекающии бо к Тебе и скорбей избавление, и недугов исцеление, и радости всякия исполнение приемлют; о Госпоже Царице и Владычице, Ты всегда воздвизаеши руце Свои на умоление пред Сыном Твоим и Богом, услыши и ныне нас, усердно вопиющих к Тебе таковая:
Радуйся, животворныя воды источниче неистощимый; радуйся, бане, омывающая греховную скверну.
Радуйся, скорбей наших услаждение; радуйся, печалей наших утоление.
Радуйся, болезней наших врачевание; радуйся, от всяких бед наших избавление.
Радуйся, Живоносный Источниче, вся наша болезни исцеляющая.
Кондак 7
Хотящи всем показати любовь Твою велию к страждущим людям, Богородице преблагая, благоизволила еси в водном естестве проявити Твою целительную силу и даровала еси животворную благодать водному источнику в чащи лесной во исцеление слепаго, и научила и нас имя Твое святое пред сею водою призывати, верующе и дерзновенно уповающе, яко и ныне воде сей милостивно даруеши ту же благодатную силу и исцеляеши ею всех нас страждущих, да благодарственно во веки о Тебе вопиют людие Богу: Аллилуиа.
Икос 7
Дивная показал еси дела Твоя в Пречистей Матери, Господи, и дивными чудесы преизобилующий даровал еси нам Ея источник, да, в водных струях его изобильно черплюще благодатная врачевания, вси немощнии Твои люди верою сердечною и от души любовию прославляют небесную целительницу, Всесвятую Матерь Твою, и зовут таковая:
Радуйся, алавастре врачевания, на всякий недуг врачевство содержай; радуйся, милосердная Целительнице всех немощей душевных и телесных.
Радуйся, узы греховныя кающихся грешников разрешающая; радуйся, о всем мире усердная предстательнице.
Радуйся, скорбящих матерей тихое веселие; радуйся, вечною радостию нас одевающая.
Радуйся, вдовиц заступление; радуйся, безпомощных сирот благосердное призрение.
Радуйся, детям, неудобь учащимся, разум дающая; радуйся, юности охранительнице.
Радуйся, Живоносный Источниче, вся наша болезни исцеляющая.
Кондак 8
Отранно есть видети, яко водный Твой источник, Владычице, чудотворное действо являет и всякия болезни исцеляет всем; темже, познающе силу Божию по Твоему милостивному предстательству, прославляюще Господа Бога, с верою и умилением поем Ему: Аллилуиа.
Икос 8
Все земное житие наше зде болезненно есть и слезно от клеветы, досаждения, укоризны и иных многих бед и напастей; немотствует бо тело, изнемогает и дух наш. К Тебе убо прибегаем, Богомати, пред Твоим пречистым образом припадающе, молимся: исполни радостию сердца наша, да вопием Ти:
Радуйся, Царице неба и земли; радуйся, с Сыном Твоим и Богом вечно царствующая и Ему же о нас моления приносящая.
Радуйся, всех к Тебе прибегающих милостию Твоею покрывающая; радуйся, всех радосте, печали наша утоляющая.
Радуйся, неправедно гонимых и обидимых заступнице; радуйся, гонящих и обидящих праведная отмстительнице.
Радуйся, Милостивная, нас добре милующая; радуйся, отчаянных на путь истины направляющая и к Богу возводящая.
Радуйся, Живоносный Источниче, вся наша болезни исцеляющая.
Кондак 9
Всякая житейская в мире сем сладость печали бывает причастна: слава пременяется, богатство безследно преходит, здравие и красота телесная увядают, друзи и искреннии отъемлются; о Милосердная, услади и наша скорби, подающи нам истинную радость, вопиющим к Богу: Аллилуиа.
Икос 9
Витийствуяй язык не может изрещи велию славу Твою, Богородице, еюже Ты прославилася еси в дивных делех Твоего милосердия к роду христианскому; о Мати Божия, Мати Всеблагая, милосердию Твоему несть конца и величие Твое кто исповесть? Да будет же всесвятое имя Твое во век преблагословенно и да будет с Тобою слава, достойная величия святейшаго имене Твоего, от нас же недостойных приими архангельский глас:
Радуйся, Благодатная, яко Господь с Тобою; радуйся, благословенная в женах.
Радуйся, обретшая благодать у Бога; радуйся, освященная Духом Святым.
Радуйся, осененная силою Всевышняго Бога; радуйся, богоизбранная Отроковице, Приснодево.
Радуйся, Невесто Неневестная; радуйся, верная рабо Господня.
Радуйся, яко Тя ублажают вси народи земнии; радуйся, Родительнице Небеснаго Врача.
Радуйся, Живоносный Источниче, вся наша болезни исцеляющая.
Кондак 10
Спасти хотящи многия от находящих зол, скорбей и болезней, даровала еси нам целительную благодать в воде, освященной призыванием имене Твоего святаго, темже мнози скорое получают исцеление: слепии прозревают, хромии ходят, разслабленнии возстают, беснующиися исцеляются, земли плодоносие подается, людие от смертносныя язвы, внезапныя смерти и насильственнаго убийства избавляются, гради, веси и домы от огня и молнии спасаются. О Пресвятая Мати Божия, кто не ублажит Тя, кто не воспоет Твоя славная чудеса? Темже и мы, прославляюще Бога, дающаго нам таковыя милости по Твоему предстательству, величающе Тя, вопием Ему: Аллилуиа.
Икос 10
Стена еси необоримая и источник милостей и чудес, Всеблагая Владычице Богородице, всем к Твоему покрову прибегающим, темже молим Тя, заступи и спаси с любовию к Тебе взывающих таковая:
Радуйся, яко Ты еси молитвенница наша к Богу усердная; радуйся, яко Матерняя Твоя молитва много может, Владыку Христа умилостивляющи.
Радуйся, предающихся унынию и скорби в надежде утверждающая; радуйся, нашедший на нас облак греховных страстей скоро разгоняющая.
Радуйся, славящих Тя прославляющая; радуйся, отвергающих Тя посрамляющая и, яко прах, от земли их развевающая.
Радуйся, скорбных родителей в лишении чад их утешающая благодатною Твоею помощию; радуйся, Целительнице наша в страданиих телесных и благая Утешительнице в печалех наших душевных.
Радуйся, Живоносный Источниче, вся наша болезни исцеляющая.
Кондак 11
Пение всеумиленное приими от нас, Небесная Царице, и молитву, приносимую Тебе, Дево Богородице, услыши. К Тебе бо в напастех и скорбех прибегаем и пред Тобою в бедах наших слезы проливаем и молимся: уврачуй наша болезни и утоли печали всех вопиющих о Тебе Богу: Аллилуиа.
Икос 11
Светоподательная свеща, возжженная Духом Святым для озарения сущих во тьме греха и юдоли плача, Ты еси, Пресвятая Дево; светлыми бо лучами чудес Твоих просвещаеши всех нас, помраченных греховною мглою, и приводиши к немолчному славословию Твоего пресвятаго имене, сего ради вопием Ти тако:
Радуйся, в посте и молитве и богомыслии всегда нам спребывающая; радуйся, в час недоумения мысль благую на сердце полагающая.
Радуйся, Мати Света истиннаго; радуйся, солнце правды, нас облистающее.
Радуйся, наставнице непорочнаго девства; радуйся, хранительнице ревнующих о чистоте.
Радуйся, дев величание; радуйся, нищих питательнице и нагих одеяние.
Радуйся, Живоносный Источниче, вся наша болезни исцеляющая.
Кондак 12
Благодати Твоея живоносный источник имуще, Пресвятая Дево, к Тебе прибегаем, яко нерушимей стене и предстательству. Призри благосердием, Пресвятая Богородице, на лютое наше озлобление и исцели душ и телес наших скорби и болезни, да зовем о Тебе Богу: Аллилуиа.
Икос 12
Поюще неизреченное Матернее Твое милосердие к страждущим, хвалим Тя, яко живоносный источник благодатных врачеваний, яко неистощимую реку чудес, яко бездну милости и щедрот и все упование по Бозе возлагаем на Тя и в сей, и в будущей жизни и, прославляюще Тя, вопием:
Радуйся, христиан непостыдное упование; радуйся, верная споручнице о нас пред Богом.
Радуйся, ненадежных надеяние; радуйся, истинное спасение малодушных и отчаянных.
Радуйся, утешительнице во всякой скорби; радуйся, из глубины погибели спасающая.
Радуйся, отрадо в день смерти; радуйся, единая надеждо и по смерти.
Радуйся, Живоносный Источниче, вся наша болезни исцеляющая.
Кондак 13
О всепетая Мати, Небесная Царице и Владычице, Дево Богородице, рождшая нам Христа, Сына Божия, изволившаго, нашего ради спасения, снити на землю и воплотитися от Духа Свята и от Тебе, Пресвятыя Девы, и вочеловечитися; услыши наша усердныя молитвы и всех здесь предстоящих, со слезами и воздыханьми молящихся, помилуй. Даруй нам всем по коегождо прошению помощи, да никтоже от нас отыдет от Твоего божественнаго лика тощ и не услышан, но вси, получивше Твоя милости, благодарственно о Тебе вопием нашему Богу: Аллилуиа.
Этот кондак читается трижды, затем 1-й икос «Ангели святии …» и 1-й кондак «Избранной от всех родов …».
Молитва
О Пресвятая Дево, Мати Господа нашего Иисуса Христа! Ты еси Мати и покровительница всех к Тебе прибегающих, призри с благосердием на молитвы грешных и смиренных чад Твоих. Ты, именуемая Живоносный Источник благодатных врачеваний, исцели болезни страждущих и умоли Сына Твоего, Господа нашего Иисуса Христа, да низпослет и всем притекающим к Тебе здравие душевное и телесное и, простив нам вольная и невольная согрешения наша, дарует нам вся яже к вечней и временней жизни потребная. Ты еси всех скорбящих радость, услыши нас, скорбных; Ты еси утоление печали, утоли и нашу печаль; Ты еси взыскание погибших, не попусти и нам погибнути в бездне грехов наших, но всегда избавляй нас от всяких скорбей и напастей и всякаго злаго обстояния. Ей, Царице наша преблагая, надеждо наша несокрушимая и заступнице необоримая, не отврати лица Твоего от нас за множество прегрешений наших, но простри нам руце Матерняго милосердия Твоего и сотвори с нами знамение милости Твоея во благо: яви нам помощь Твою и благопоспеши во всяком деле благом. От всякаго же начинания греховнаго и помышления лукаваго отврати нас, да всегда славим пречестное имя Твое, величающе Бога Отца и Сына Единороднаго Господа Иисуса Христа и Животворящаго Святаго Духа со всеми святыми во веки веков.
Аминь.
